äs hätt ja früecher agfange, aber mir si ersch gäge abe gange. d hitz hie isch schier unerträglech gsi u so simer mit fächer usgrüschtet los zoge i schwitzer pavilion. dert isch für gladeni gäscht ä richtigi erscht ougschte fiir organisiert worde. ds rütli hätti chönne ipacke sägi öich! nume mi ussicht usem bolliger garte a gurte übere u ds fürwärch hets nid gschlage... aber süsch - BRAVO!
äs het asprache gäh, musikalischi darbietige vom jodlerchor wiesenberg u vom alphorn ensemble engadina. im pavilion inne si de buffets ufgstellt gsi u dert het mä alles chönne ha vom härdöpfusalat übere thomy sänf bis hin zum raclette, inkl. siuberzibäli!! derzue isch viu rotä u wissä, bier u no angers züg trunke worde. äs het würkläch a nüt gfäut - ussert a ventilatore.... äs isch locker 45 grad gsi u drum simer geng wider chli i ds restaurant ghöcklet oder ga ä rundi mitem sässelilift mache. uf dä het mä nämlech chönne wemä het weue u drum simer grad äs paar mau gange. wunderbari ussicht gniesse u äs "früsches" lüftli, vo chueglockekläng begleitet über nä wisä schwäbe - scho fasch kitschig :-)
am säubige abe sigi de der jodlerchor no lang nid hei.... mir scho :-)
Keine Kommentare:
Kommentar veröffentlichen